ՀԱՅՏԱՐԱՐՈՒԹՅՈՒՆ
Հայագիտական ուսումնասիրությունները ֆինանսավորող համահայկական հիմնադրամի կողմից հայագիտական ուսումնասիրությունների հրատարակության նպատակով դրամաշնորհների տրամադրման վերաբերյալ
Հայագիտական ուսումնասիրությունները ֆինանսավորող համահայկական հիմնադրամը կազմակերպում է հայագիտական հիմնարար և արդիական հետազոտությունների հրատարակության մրցույթ։
Ընդունվում են հայտեր հետևյալ ուղղություններով՝
- հայագիտության գիտաճյուղերում կատարված հիմնարար և արդիական ուսումնասիրություններ,
- Արցախի պատմության, մշակույթի և արդի փուլի իրադարձությունների ուսումնասիրություններ,
- հայոց պատմության կեղծարարության և հայ մշակույթի յուրացման փորձերի բացահայտմանը և դրանց սնանկության հիմնավորմանը միտված ուսումնասիրություններ,
- հայկական ինքնության ուսումնասիրություններ։
Մրցույթին պետք է ներկայացվեն հրատարակության պատրաստ աշխատություններ։
Մրցույթին չեն կարող ներկայացվել՝
- հոդվածների և փաստթղթերի ժողովածուներ,
- գիտական հանդեսների համարներ,
- այլ հեղինակների աշխատություններ,
- նախորդ մրցույթներին մասնակցած և ֆինանսավորման չերաշխավորված աշխատություններ։
ՀՀ գիտական կազմակերպություններում և բարձրագույն ուսումնական հաստատություններում զբաղված ու գիտական աստիճան ունեցող գիտական աշխատողները, վերոհիշյալ ուղղություններով հետազոտությունների հրատարակության համար Հայագիտական ուսումնասիրությունները ֆինանսավորող համահայկական հիմնադրամից աջակցություն ակնկալելու դեպքում, պետք է մինչև ս.թ. հոկտեմբերի 5-ը hիմնադրամի էլ. հասցեին (armenianstudiesfoundation@gmail.com) ուղարկեն համապատասխան հայտեր՝ հաստատված գիտական կազմակերպության կամ բարձրագույն ուսումնական հաստատության գիտական խորհրդի կողմից։
ՄՐՑՈՒՅԹԻ ՀԱՅՏԸ ԼՐԱՑՆԵԼՈՒ ՍԿԶԲՈՒՆՔՆԵՐԸ
- Մրցույթին ներկայացվող հայտը պետք է ներկայացվեն.
|
1.1. Հայտատուի (հեղինակի) անուն, ազգանուն՝ __________________
1.2. Ծննդյան թիվ՝ ___________________
1.3. Աշխատավայր՝ __________________
1.4. Պաշտոն՝ __________________
1.5. Գիտական աստիճան՝ ______________
1.6. Հեռախոս՝ __________________
1.7. Էլ. փոստ`_________________
1.8. Մրցույթի ներկայացվող աշխատության վերնագիր (հայերեն, անգլերեն)՝_____________
1.9. Աշխատության արդիականություն և հրատապություն (պարտադիր)
(1 էջ)՝ ________________
1.10. Գիտական նորույթ (մինչև կես էջ)՝ ______________
1.11. Համառոտ բովանդակություն (2 էջ)՝ ______________
1.12. Երկու մասնագետների գրավոր կարծիք
1.13. Հրատարակության հիմնական չափանիշներից (կազմը, նկարները, թղթի որակը)
1.14. Հրատարակման ժամկետ (պետք է սահմանվի այնպես, որ հրատարակությունը
տեղի ունենա 2023 թ.)՝ _____________________
1.15. Աշխատության ծավալ և տպաքանակ՝ __________
1.16. Աշխատության էլեկտրոնային տարբերակը (Word կամ PDF)
Հրատարակության ծախսի չափը չպետք է գերազանցի`
- 500.000 դրամը՝ ոչ նկարազարդ աշխատությունների դեպքում,
- 1.000.000 դրամը՝ ծավալի ¼-ի չափով նկարազարդ աշխատությունների դեպքում,
- 1.500.000 դրամը՝ հայերեն աշխատության՝ օտար լեզվով թարգմանաբար հրատարակության դեպքում /թարգմանության և հրատարակության արժեքը ներառյալ/։
|
Հայտերը ներկայացվում են հայերեն, ռուսերեն կամ անգլերեն լեզուներով (վերջին երկու լեզուներով հայտերը ձևակերպելու դեպքում՝ նաև հայերենով), էլեկտրոնային և թղթային տարբերակներով, որոնք սահմանված ժամկետներում պետք է ներկայացվեն armenianstudiesfoundation@gmail.com հասցեով և ՀՀ ԳԱԱ նախագահության շենք՝ Հիմնադրամի գրասենյակ (Մարշալ Բաղրամյան պող. 24, 1-ին հարկ, սենյակ 29):
Հայտերի ներկայացման վերջնաժամկետն է՝ էլեկտրոնային տարբերակով՝ 05.10.2023 թ., թղթային տարբերակով՝ մինչև 17.10.2023 թ.:
Նշված պահանջների չհամապատասխանող, թերի և հայտարարված թեմաներից դուրս հայտերը չեն քննարկվելու:
Պահանջներին համապատասխան ներկայացված հայտերի՝ մրցույթի թեմաներին համապատասխանության հարցը քննարկվելու է այդ նպատակով ստեղծված մասնագիտական խորհրդում: Խորհուրդի դրական եզրակացություն ստացած յուրաքանչյուր հայտ գնահատելու են երկու փորձագետներ՝ հատուկ մշակված հարցաշարերի միջոցով։ Դրական կարծիքի դեպքում ֆինանսավորման երաշխավորված հայտերի հայտատուների հետ կնքվելու է պայմանագիր:
Մրցույթի արդյունքները հայտատուները իրենց հայտի մասով կարող են բողոքարկել արդյունքների հրապարակումից հետո հինգ աշխատանքային օրվա ընթացքում։
Արդյունքների մասին հայտարարվելու է մինչև 2023 թ. նոյեմբերի 10-ը:
Մասնակիցները մրցույթի վերաբերյալ պարզաբանումներ կարող են ստանալ Հիմնադրամի էլ․ հասցեին ուղարկված նամակի միջոցով կամ +(374 93)720055 հեռախոսահամարով։
Հայագիտական ուսումնասիրությունները ֆինանսավորող
համահայկական հիմնադրամ
