Հայագիտական ուսումնասիրությունները ֆինանսավորող համահայկական հիմնադրամի ֆինանսավորմամբ և «Մատենադարան» Մեսրոպ Մաշտոցի անվան հին ձեռագրերի գիտահետազոտական ինստիտուտ» հիմնադրամի նախաձեռնությամբ 2026 թ. նոյեմբերի 26-28-ը Մատենադարանում տեղի կունենա  Միջնադարագիտական 12-րդ միջազգային գիտաժողովը:

Գիտաժողովին հրավիրում ենք մասնակցելու միջնադարագիտության բնագավառում իրենց ուսումնասիրություններն իրականացնող հետազոտողներին: Գիտաժողովին զեկուցումներ կարող են ներկայացվել հետևյալ թեմաներով՝ ձեռագրագիտություն և գրչության կենտրոններ, աղբյուրագիտություն, պատմագիտություն, հայոց լեզվի պատմություն, հայ գրականության պատմություն, արվեստագիտություն, արևելագիտություն, աստվածաբանություն, կրոնագիտություն։

Մինչև սույն թվականի սեպտեմբերի 12-ը գիտաժողովի կազմկոմիտեին պետք է ներկայացնել զեկուցման հիմնադրույթները 350-400 բառի սահմաններում՝ ներառյալ զեկուցման թեման, մասնակցի անունը և ազգանունը, ինչպես նաև այն հաստատությունը, որը ներկայացնում է մասնակիցը (անկախ հետազոտողները նույնպես կարող են մասնակցել): Հիմնադրույթները պետք է արտացոլեն ներկայացվելիք զեկուցումը և ուսումնասիրության նպատակը:

Խնդրում ենք հիմնադրույթներն ուղարկել հետևյալ էլեկտրոնային փոստին՝  matenadaranmedievalstudiesconf@gmail.com:

Մինչև սույն թվականի հոկտեմբերի 10-ը դրական կարծիքներ ստացած հիմնադրույթների հեղինակները հնարավորություն կստանան ներկայացնելու իրենց զեկուցումները նոյեմբերի 26-28-ը Մատենադարանում կայանալիք գիտաժողովին: Արտասահմանից եկող սահմանափակ թվով մասնակիցների կարող է տրամադրվել ֆինանսական աջակցություն ճամփորդության նպատակով։

Գիտաժողովի աշխատանքային լեզուներն են հայերենը, անգլերենը և ռուսերենը։

 

ՈՒՇԱԴՐՈՒԹՅՈՒՆ. ստացված հայտերի թվաքանակով պայմանավորված` գիտաժողովի կազմկոմիտեն նախապատվությունը տալու է միջնադարագիտական թեմաներին:

 

Ավելի մանրամասն տե՛ս՝  https://u.to/EsOtIg